ՄԱՀԱԶԴ

Տիկին Սօսի Բանճարեան
Պատուելի եւ տիկին Սեպուհ Թերզեան եւ զաւակը
Տէր եւ տիկին Սեւակ Շիմշիրեան եւ զաւակունք
Տէր եւ տիկին Ալեք Պալեան եւ դուստրը
Տէր եւ տիկին Յովնաթան Բանճարեան եւ զաւակունք
Տիկին Սեդա Բանճարեան եւ զաւակունք
Տէր եւ տիկին Համբար Քեհեայեան եւ զաւակունք
Տիար Վահէ Տուտաքեան եւ զաւակունք
Տէր եւ տիկին Յակոբ Պոյաճեան եւ զաւակունք
Տէր եւ տիկին Փիթըր Ժըրէյտինի
Բանճարեան եւ Շիմշիրեան ընտանիքներ
Թերզեան եւ Պալեան ընտանիքներ
Պոյաճեան եւ Գազանճեան ընտանիքներ
եւ համայն ազգականներ կը գուժեն իրենց ամուսնոյն, հօր, եղբօր եւ հարազատին՝

ՊՕՂՈՍ ԵՐՈՒԱՆԴ ԲԱՆՃԱՐԵԱՆԻ
(Ծնեալ՝ 1933-ին)

մահը, որ պատահեցաւ կիրակի, 22 փետրուար 2009-ի առաւօտեան, Ժեհթաուի հիւանդանոցին մէջ, յետ երկարատեւ հիւանդութեան։

Յուղարկաւորութեան պաշտամունքը պիտի կատարուի այսօր՝ երկուշաբթի, 23 փետրուարին, կէսօրէ ետք ժամը 3։30-ին, Էշրեֆիէի Հայ աւետարանական եկեղեցւոյ մէջ, ուրկէ հանգուցեալին մարմինը պիտի փոխադրուի Ֆըրն Շըպպեքի Հայ աւետարանական գերեզմանատունը։

- Ներկայս ընդունիլ իբրեւ մահազդ։

- Ցաւակցութիւնները կ՚ընդունուին յետ թաղման արարողութեան, Էշրեֆիէի Հայ աւետարանական եկեղեցւոյ Ջանից սրահը, մինչեւ երեկոյեան ժամը 8։00։

More Emails and Messages

Rev. Rene Levonian (Yerevan, Armenia): "Dear Raffi,
I hope you are doing well. It is pleasure to receive your newsletters and blog. It is a good experience, I encourage you to continue.
I am sure that everyone will find interesting news in the themes chosen by you.
Best regards,
Rene"

Pastor Sevag Trashian (Kessab, Syria): "You are reaching out to destinations and people that even I am not able to."

Overcoming the Dark Side of Leadership: The Paranoid Leader

Saul was such a leader. He took the priestly rights into his own hands. He prohibited the men from eating before battle, he failed to utterly destroy Amalek and refused to acknowledge any
disobedience. Saul feared David’s popularity. Saul’s neurotic activities led to his own breakdown and failure.

Paranoid leaders are:
Like Saul, jealous and suspicious of David and his rising popularity.
• Suspicious, hostile and guarded in their relationships with others
• Because of being jealous they are deeply insecure in their own abilities,
• Overreact to the mildest forms of criticism
• Often create rigid structures and systems of control
• Demand excessive reporting
• At the heart is strong feelings of insecurity and a lack of confidence

Mark the following:
5 = strongly agree
4 = agree
3 = uncertain
2 = disagree
1 = strongly disagree

• When I see two key church leaders discreetly talking in the lobby of the church, I worry that they may be talking about me.
• It really bothers me to think about my church’s board meeting without me being present.
• When an associate receives rave reviews for a sermon or some special ministry, I experience intense feelings of jealousy rather than joy in the success and recognition he or she is receiving.
• I require subordinates and associates to provide me with detailed reports of their activities.
• I struggle when an associate, rather than me, is asked by church members to perform services such as weddings or funerals.
• I have few intimate or meaningful relationships within my church or organization and find myself avoiding such relationships.
• I insist on absolute loyalty form those who work for me and prohibit staff from criticizing me in any way.
• I often worry that there is a significant faction within my organization that would like to see me leave.
• I have probed people for what they know or for special information they may have relating to certain leaders in my organization.
• Those I work with often complain about my lack of a healthy sense of humor.
• I routinely refer to those I lead as “my people,” “my board,” or “my church,” while bristling when the same designation is spoken by an associate.
• I tend to take seriously even lighthearted comments and jokes directed at me.

Next Week: The Codependent Leader

ՀԱՂՈՐԴԱԳՐՈՒԹԻՒՆ

Մերձաւոր Արեւելքի Հայ աւետարանական եկեղեցիներու միութեան յատուկ հրաւէրով, չորեքշաբթի, 18 փետրուար 2009-ին, Պէյրութ ժամանեց հայ ազգի նորօրեայ պայքարի հերոս եւ նահատակ Հրանդ Տինքի այրին՝ Ռաքել Տինք։

Նոր Մարաշի Հայ աւետարանական եկեղեցւոյ մէջ, հինգշաբթի, 19 փետրուար 2009-ին, Վարդանանց տօնին նուիրուած պաշտամունքին իբրեւ պատգամաբեր, Ռաքել Տինք բազմահարիւր ներկաներուն փոխանցեց իր վկայութիւնը։ Ան պարզ եւ անկեղծ բառերով նկարագրեց իր ապրած դժնդակ կեանքի փորձառութիւնը, քառասուն տարի Հրանդ Տինքի կողքին ապրելով նախ իբրեւ ընկեր՝ որբանոցին մէջ, ապա՝ ամուսին եւ գաղափարի ընկեր։

Ռաքել Տինք շեշտեց այն իրողութիւնը, որ իրենց պայքարին մէջ գլխաւոր նեցուկը հանդիսացած է Տէր Աստուած, որուն կ՚ապաւինի մինչեւ այսօր։

Իր եռօրեայ կեցութեան ընթացքին Ռաքել Տինք այցելեց Արամ Ա. վեհափառին, Ներսէս-Պետրոս ԺԹ. պատրիարքին, վեր. Մկրտիչ Գարակէօզեանին, հանդիպում ունեցաւ հայ մամուլի, լիբանանահայ կնոջական միութիւններու ներկայացուցիչներու հետ, այցելեց Այնճար, Պիքֆայայի Մեծ եղեռնի յուշարձանը, հանդիպեցաւ Հայ աւետարանական վարժարաններու բարձր կարգի աշակերտութեան հետ, տեսակցութիւն ունեցաւ Հայկազեան համալսարանի նախագահութեան, դասախօսներու եւ պաշտօնէութեան հետ։

Իր բոլոր այցելութիւններուն եւ տեսակցութիւններուն ընթացքին Ռաքել Տինք խօսեցաւ Թուրքիոյ մէջ ոտնահարուած մարդկային իրաւունքներուն եւ այս կապակցութեամբ հիմնուած Հրանդ Տինքի անուան հիմնարկի գործունէութեանց մասին։

Ռաքել Տինք Լիբանան իր այցելութեան ընթացքին խորապէս տպաւորեց հայ գաղութը եւ իր թախծոտ ու մեղմ ժպիտով գրաւեց բոլորին սիրտերը։

Փառք կու տանք Աստուծոյ այս հոգեպարար հանդիպումին համար։

ՄԱՀԱԵ ՄԻՈՒԹԵԱՆ
ԿԵԴՐՈՆԱԿԱՆ ՄԱՐՄԻՆ

Պէյրութ, 20 փետրուար 2009

ՀՐԱՆԴ ՏԻՆՔԻ ԱՅՐԻՆ` ԱՆԹԻԼԻԱՍԻ ՄԷՋ

Հինգշաբթի, 19 փետրուար 2009-ին, Անթիլիասի մայրավանքին մէջ Արամ Ա. կաթողիկոս ընդունեց նահատակ Հրանդ Տինքի այրին՝ Ռաքել Տինքը: Հանդիպման ներկայ էին նաեւ Միջին Արեւելքի Հայ աւետարանական եկեղեցիներու միութեան նախագահ վեր. Մկրտիչ Գարակէօզեան եւ պատ. Սեպուհ Թերզեան:

Ռաքել Տինք վեհափառին լայն տեղեկութիւններ տուաւ նահատակ Հրանդ Տինքի գործունէութեան, սպանութենէն առաջ անոր ունեցած դժուարութիւններուն, ստացած սպառնալիքներուն եւ ապա սպանութեան ստեղծած մթնոլորտին ու դատավարութեան մասին:

Վեհափառը յայտնեց, թէ ոչ միայն Մեծի Տանն Կիլիկիոյ կաթողիկոսութիւնը մասնակցած էր Տինքի յուղարկաւորութեան, այլ նաեւ միշտ զօրավիգ կը կանգնի այն կեցուածքներուն ու աշխատանքներուն, որոնց լաւագոյն թարգմաններէն մէկը եղաւ Հրանդ Տինք: «Ցեղասպանութիւնը պատմական իրողութիւն է, եւ մեր պահանջն է, որ ներկայ Թուրքիան ճանչնայ իր հայրերուն կողմէ ծրագրուած ու գործադրուած Ցեղասպանութիւնը», շեշտեց Արամ Ա. կաթողիկոս:

Ապա, Ռաքել Տինք այցելեց Ապրիլեան նահատակներու մատուռը եւ իր յարգանքի տուրքը մատուցեց մէկուկէս միլիոն հայ նահատակներուն:

ՌԱՔԵԼ ՏԻՆՔ ԱՅՑԵԼԵՑ ՀԱՅ ԿԱԹՈՂԻԿԷ ՊԱՏՐԻԱՐՔԱՐԱՆ

Ուրբաթ, 20 փետրուար 2009-ին, կէսօրէ առաջ ժամը 10։00-ին, Մերձաւոր Արեւելքի Հայ աւետարանական եկեղեցիներու միութեան հրաւէրով, «Ակօս» օրաթերթի նահատակ խմբագիր Հրանդ Տինքի այրին՝ Ռաքել Տինք Լիբանան իր անդրանիկ այցելութեան առիթով այցելեց Հայ կաթողիկէ պատրիարքարան, ուր ընդունուեցաւ Տանն Կիլիկիոյ կաթողիկէ հայոց ամեն. եւ գերերջանիկ տէր Ներսէս Պետրոս ԺԹ. կաթողիկոս պատրիարքին կողմէ։ Ռ. Տինքին կ՚ընկերակցէին վեր. Մկրտիչ Գարակէօզեան եւ պատ. Սեպուհ Թերզեան։ Ծանօթացման այս հանդիպման ներկայ եղան պատրիարքական թեմի փոխանորդ՝ արհի. հայր Վարդան եպս. Աշգարեան, «Մասիս» ամսաթերթի ընդհանուր խմբագիր գերյ. հայր Անդրանիկ Ծ. վրդ. Կռանեան, Ս. Փրկիչ եկեղեցւոյ ժողովրդապետ՝ հայր Սարգիս վրդ. Դաւիթեան, Ս. Կուսին Աւետման եկեղեցւոյ ժողովրդապետ՝ հայր Վարդան վրդ. Գազանճեան, Հռիփսիմեանց վարժարանի տնօրէն քոյր Արմինէ Մակարոսեան, «Մասիս»ի պատասխանատու տնօրէն՝ Սարգիս Նաճարեան, Մեսրոպեան վարժարանի տնօրէն՝ Կրեկուար Գալուստ եւ Գ. Հարպոյեան վարժարանի տնօրէն՝ Ռիթա Պոյաճեան։

Շուրջ մէկ ժամ տեւած զրոյցի ընթացքին քննարկումի նիւթ դարձան թրքահայութեան իրավիճակի եւ գոյատեւման վերաբերող բազմաթիւ հարցեր։

Անդրադառնալով իր ամուսնոյն սպանութեան դէպքին՝ Ռ. Տինք յայտնեց, որ ցաւը մեծ է, բայց պիտի ջանայ Հրանդի ուղին շարունակել, որովհետեւ ան միշտ պայքարեցաւ անիրաւութիւններուն դէմ, ինչ որ չհանդուրժեցին շատեր։

Ռ. Տինք անդրադարձաւ Հրանդ Տինքի յիշատակին հաստատուած հիմնարկին, որ կը ջանայ ծրագիրներ մշակել մարդկային իրաւունքներու դաստիարակչութեան գծով, ինչպէս նաեւ՝ Ռ. Տինք խօսեցաւ Թուրքիոյ մէջ յառաջդիմական մտաւորականութեան այն նախաձեռնութիւններուն մասին, որոնք կը շարունակեն ողջ պահել Հրանդ Տինքի երթը եւ կը ձգտին վերականգնել արդարութիւնը՝ հայ եւ թուրք ժողովուրդներուն միջեւ խաղաղ գոյակցութեան հասնելու համար։

Իր կարգին, հոգեւոր տէրը բարձր գնահատեց Ռ. Տինքի ազգային ոգին ու քրիստոնէական անձեռնմխելի հաւատքը եւ Հրանդ Տինքը դասեց իբրեւ ազգային հերոս աշխարհատարած հայութեան համար, որովհետեւ ան իր մահով դարձաւ բարի օրինակ յանուն արդարութեան պայքարող անհատներուն եւ միացաւ ազատութեան համար զոհուող նահատակներու շարքին։ Ամեն. հոգեւոր տէրը ըսաւ, թէ Հրանդ Տինքի նահատակութիւնը ունեցաւ դրական ազդեցութիւն մարդկային իրաւունքներու պահանջատիրութեան միջազգային մակարդակի վրայ՝ մաղթելով, որ Աստուած անոր կնոջ շնորհէ կամքի զօրութիւն եւ հաստատ հաւատք՝ շարունակելու համար այս վսեմ առաքելութիւնը։


Ամեն. հոգեւոր տէրը իր հիւրերուն տեղեկութիւններ փոխանցեց պոլսահայ կաթողիկէ համայնքին մասին՝ հրաւիրելով զանոնք այցելել Զմմառու դարաւոր վանքը։

Այցելութեան աւարտին, ամեն. հոգեւոր տէրը Ռաքել Տինքի նուիրեց հայերէնի թարգմանուած Կաթողիկէ քրիստոնէական վարդապետութեան մասին եւ Նարեկացիի նուիրուած հատորներ։ Իսկ իր կարգին Ռ. Տինք հոգեւոր տիրոջ նուիրեց Հրանդ Տինքի ջանքերով լոյս տեսած գրքոյկ մը՝ Պոլսոյ «Մանկանց բոյն» կառոյցին մասին։

ԴԻՒԱՆ ՀԱՅ ԿԱԹՈՂԻԿԷ ՊԱՏՐԻԱՐՔԱՐԱՆԻ

Ռաքէլ Տինք Մերձաւոր Արեւելքի Հայ Աւետարանական Եկեղեցիներու Միութեան Կեդրոնին Մէջ

Երէկ, կէսօրէ առաջ ժամը 11։00-ին, Մերձաւոր Արեւելքի Հայ աւետարանական եկեղեցիներու միութեան կեդրոնին մէջ միութեան հրաւէրով «Ակօս» օրաթերթի նահատակ խմբագիր Հրանդ Տինքի այրին՝ Ռաքել Տինք Լիբանան իր այցելութեան առիթով տուաւ մամլոյ ասուլիս մը, որուն հրաւիրուած էին լիբանանահայ մամլոյ ներկայացուցիչները՝ նկատի ունենալով Հրանդ Տինքի մամլոյ գործիչ ըլլալու հանգամանքը։

Մերձաւոր Արեւելքի Հայ աւետարանական եկեղեցիներու միութեան կեդրոնատեղիի վարիչ քարտուղար պատ. Սեպուհ Թերզեան յայտնեց, որ Ռաքել Տինք Մերձաւոր Արեւելքի Հայ աւետարանական եկեղեցիներու միութեան կողմէ հրաւիրուած է իբրեւ պատգամաբեր՝ այսօր, առաւօտեան ժամը 10։00-ին Նոր Մարաշի Հայ աւետարանական եկեղեցւոյ մէջ Վարդանանց տօնին առիթով տեղի ունենալիք հաւաքական պաշտամունքին։

Պատ. Թերզեան նշեց նաեւ, որ Ռ. Տինք Լիբանան իր կեցութեան ընթացքին պիտի այցելէ հայ յարանուանութեանց հոգեւոր պետերուն, երկու առիթով խօսք պիտի առնէ դպրոցական աշակերտներու հաւաքներու ընթացքին, պիտի այցելէ Այնճարի դպրոցները եւ եկեղեցիները, պիտի այցելէ նաեւ Հայկազեան համալսարան, ինչպէս նաեւ հանդիպում պիտի ունենայ լիբանանահայ կնոջական միութիւններու հետ։

Այնուհետեւ Ռ. Տինք խօսք առնելով ուրախութիւն յայտնեց մամլոյ ասուլիսին ներկայ գտնուող լիբանանահայ մամլոյ ներկայացուցիչներուն հետ ծանօթանալուն համար։ Անդրադառնալով իր ամուսնոյն սպանութեան դէպքին՝ Ռ. Տինք յայտնեց. «Մեծ ցաւ պատճառեցին մեզի, սակայն իր ուղին շարունակելու կը ջանանք»։

Խօսելով նահատակ իր ամուսնոյն մասին՝ Ռ. Տինք ըսաւ, թէ ան «կը փորձէր, որ մարդոց նկատմամբ քաղաքական գետնի վրայ թէ առօրեայ կեանքին մէջ աւելի արդար կեցուածք մը որդեգրուի։ Բոլոր համայնքներուն միջեւ հաւասարութիւն կ՚ուզէր, եւ որովհետեւ մենք ալ Թուրքիոյ քաղաքացիներ ենք, չէինք ուզեր իբրեւ երկրորդական համայնք նկատուիլ։ Մեր իրաւունքն էր թուրք ժողովուրդին պէս իրաւունքներ ունենալ։ Ըստ օրինի, նոյնն ենք, սակայն գործնականին մէջ՝ ոչ։ Ասոր պայքարը մղեց ամուսինս եւ ջանաց անիրաւութիւններուն դէմ կանգնիլ, սակայն այդ մէկը չհանդուրժեցին»։

Ռ. Տինք խօսեցաւ Հրանդ Տինքի անուան միջազգային հիմնարկին մասին, «որուն ճամբով ծրագիրներ կը մշակենք ժողովուրդներուն միջեւ երկխօսութիւն ստեղծելու համար»։ Այդ ծրագիրներուն շարքին են խորհրդաժողովներ, որոնց առաջինը, որ Ատանայի եւ անոր մերձակայ գիւղերուն նուիրուած էր, արդէն իսկ այս տարի տեղի ունեցած է, իսկ յառաջիկայ տարի պիտի կազմակերպուի նոյնպիսի խորհրդաժողով մը, որ նուիրուած պիտի ըլլայ Այնթապի եւ անոր մերձակայքին։

Ռ. Տինք խօսեցաւ նաեւ «Խիղճի տան» մը ծրագիրին մասին, որուն ուղղութեամբ սակայն տակաւին գործնական քայլեր չեն առնուած։ Ան ըսաւ, թէ սոյն եւ այլ ծրագիրներու ճամբով աշխատանք կը տարուի մարդոց իրաւունքները յիշեցնելու, մարդոց մէջ իրենց մարդկային իրաւունքներուն նկատմամբ գիտակցութիւն արթնցնելու, որպէսզի իշխանութիւնները հասկնան, թէ իշխանութիւնը որոշ սահմանափակումներ ունի։ «Երբ մարդիկ իրենց խղճին հետ յարաբերութիւն ունենան, այն ատեն պիտի գիտնան, թէ իրենց իրաւունքը ինչ է. երբ խիղճը ցաւ զգայ, պիտի զգայ, որ ուրիշն ալ խիղճ ունի եւ ուրիշն ալ ցաւ կը զգայ։ Զգացումները ապրեցնելու ճամբով է, որ կը փորձենք հասարակութեան մէջ մարդկային իրաւունքներու նկատմամբ գիտակցութիւն յառաջացնել», ըսաւ ան։

Ռ. Տինք ներկաներուն նաեւ ըսաւ, թէ 2010-ին Եւրոպական Միութեան կողմէ Պոլսոյ միջազգային քաղաք հռչակման ծիրին մէջ Եւրոպական Միութիւնը որդեգրած է Հրանդ Տինքի անուան հիմնարկին ներկայացուցած՝ մամլոյ գրութեանց ճամբով ատելութեան սերմանման երեւոյթները պարզող մէկ ծրագիրը։

Քաղուած՝ Ազդակ